تحلا بعيني _ حمدان بن محمد(فزاع) ..

تحلا بعيني




يا مشعل القلب تكفي خفّف شويّه
القلب من كثر صدّك ويلي لْحال
دامه يحبّك ولا له غيرك بْغيّه
وش له تحطّه بدنيا الهمّ وتْناله
انته حبيبي لقلبي نوره وْضيّه
تحلا بعيني وقلبي صِرْت تحلا له
وانته ربيع الخفوق وْشمسه وْفَيّه
وان حبّ غيرك خفوقي باقطع وْصاله
ما اريد بك حَدٍّ وْلو هو كان حوريّه
إنته مهَدّي الغرام وانت زلزاله
للموت انا لك حبيبي صورةٍ حيّه
ميّت بحبك وحبّك صِرْت انا اسعى له
يا بو عيونٍ مثِل عين الدمانيّه
حورا هَدَبْها مظلّ ودعْج قتّاله
كاسِنّك الحِسْن واوصافك خياليّه
ومن راد يوصف جمالك أيتهيّا له

مشكووووووووووور ويعطيك الله الف عافيه